خبز الصاج بالخطوات المصوره وينفع للشاورما والساندوتشات ومع الجبنه السائله
صفحة 1 من اصل 1
خبز الصاج بالخطوات المصوره وينفع للشاورما والساندوتشات ومع الجبنه السائله
من طرف ام ياسمين الثلاثاء مايو 13, 2008 9:18 pm
عندي لكم طريقه لخبز الصاج رهيييبه
ومضبوطه ولييينه مره حلوه
وجربوها ماراح تندمون تنفع مع النواشف لذيذه وخفيفه
وتنفع على الجوع مع
الجبنه السائله ياسلام وتنفع لساندوتشات الشاورما او الكودو
او اي حشوه حسب
رغبنكم
وممكن بعد خبزها وبعد ماتبرد تتفرزن ووقت الحاجه تطلع تذوب او تسخن
لان مقدارها كبير
وممكن تسوون نصف المقدار على راحتكم
يلا نبداء المقادير والطريقه
مقادير عجينة خبز الصاج :
4 كاسات دقيق ممكن ابيض او بر حسب الرغبه انا استخدمت الابيض الكويتي
كاسين ماء دافي
نصف اصبع زبدة
فنجال سكر
رشة ملح
ملعقة خميره
5 ملاعق حليب بودره
الطريقه :
توضع
جميع المقادير في الخلاط ثم تصب على الدقيق وتعجن حتى تكون عجينه متماسكه
ولينه نوعا ما يعني ماتكون قاسيه وتترك تتخمر نصف ساعه او ساعه الاربع
وهذا شكلها بعد ماتخمرت انا كنت عاجنه نصف المقدار
ثم
تكور لكور بحجم البيضه تقريبا او اصغر شوي
يرش
سطح نظيف بالدقيق م تفرد عليه قطعة العجينه
توضع
العجينه على الصاج بعد وضعه على النار ويكون حار والنار تميل للهادئه علشان مايحترق
الخبز
وهذا
شكلها بعد مابدأت تتحمر وقلبتها للوجه الثاني
وهنا
شكلها وهي نافشه نفشه بسيطه
وهنا
بعد ما اتهت وقدمتها مع نواشف القهر يوم صورتها كنت ناويتها لنواشف
لكن لو
سويتها قريب ساندوتشات نزلت صورها
وهنا
اقرب شوي
وهنا
اقرب واقرب علشان تشتهونها وتسوونها
ملاحظه : ممكن لاحظتوا اني
كثرت الدقيق عند الفرد لان العجينه راح تكون لينه مثل ماقلت لكم
علشان كذا
كثرت الدقيق علشان ماتلصق في الطاوله وممكن تفرد باليد بعد تدهنها
بالزيت
وانتهت الطريقه
ان شاء الله تعجبكم وتقولون لي رايكم واتمنى مو بس ردود لا ابي
تجربونها
وياليت اذا وحده منكم جربت شي من اطباقي ونجحت معها تقولي رأيها
بصراحه افتقد النقطه هذي
قليل التطبيق لاطباقي مع كثرة الردود ليييش
الله لايحرمني منهم بس ابي عموم طبخاتي في المنتدى اعرف رايكم فيها بعد
التجربه
والف شكر لكم على متابعتكم
و انتظرونى فالقادم
احلى
__________________
ام ياسمين- عضو مجتهد
- عدد الرسائل : 59
تاريخ التسجيل : 07/05/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى